Kominn á nýjann og mun BETRI stað - engar bilanir og rugl

http://krissi.fallegur.com

Þá er komið að sígíldu helgarbloggi.

Vikan er búin að vera áhugaverð margra hluta vegna. Skólinn er á fullu þessa dagana enda ekki nema tæpar 3 vikur í lokapróf. Erum að vinna að rannsóknarverkefni þessa dagana, þ.e. ég og Lýður. Fengum drengina sem við erum að þjálfa til að aðstoða okkur, sem var mjög áhugavert.
Ég stefni hátt eins og fólk veit. Ég hef staðið mig það vel í vetur að boltinn er hjá mér hvað lokapróf varðar. Vetrareinkun mín er einkar glæsileg og mikilvægt að klára dæmið með stæl.

4.flokkurinn er að fara spila um helgina, nánar tiltekið á sunnudag. A-liðið er að far spila á móti Gróttu og B-liðið gegn Haukum. Tveir hörkuleikir sem mikilvægt er að vinna. Bæði liðin töpuðu sínum leikjum um síðustu helgi, sem þýðir að það er ekki síður mikilvægt að vinna um helgina.

Ég geri mér grein fyrir því að síðust blogg hafa ekki verið þau skemmtilegustu sem ég hef skrifað. Ég biðst afsökunar á því, ég mun reyna bæta mig. Það er einfaldlega svo mikið að gera að maður hefur varla undan.

Engu að síður ætla ég að koma með nýjung á síðuna. Í hverri færslu mun ég koma með eina spurningu. Þetta verður ekki einhver spurning sem fólk þarf að leita svara við, heldur spurning um eitthvað ákveðið málefni sem ég vil að þið svarið með ykkar skoðun. Það gæti verið mjög áhugavert að lesa þessi svör og mun ég fjalla um þau í kjölfarið.

Spurning dagsins er: Hvar sérðu sjálfan þig eftir 5 ár?

Endilega taktu þátt svo umræðan verði skemmtilegri.

Takk í bili.

KrissiCoach

Mun í dag vinda mínu kvæði í kross og koma með svokallað punktablogg um nýliðna helgi og hvað er framundan !

• Vil byrja á að minna á síðuna sem Lýður benti á í síðustu færslu http://tvlinks.voodeedoo.org/ - hér er hægt að horfa á aragrúa af flottum þáttum á netinu. Mæli með henni.
• Nýliðin helgi var ein mesta topphelgi ársins.
• Vil þakka öllum sem ég hitti.
• Flaug norður um 16:00 leytið á fimmtudag.
• Fór út að borða með Stebo og Geira Sig um kvöldið.
• Eftir það var kíkt á kaffihús.
• Hitti fjölskylduna, frábært að hitta systkynabörn mín, þar eru fjórir drengir á ferð sem verða stærri með hverjum deginum, algjörir toppmenn.
• Hitti systkyni mín og maka þeirra, það var frábært.
• Hitti mömmu og pabba, snilld.
• Hitti ömmu, yndislegasta kona heims.
• Hitti einnig aðrar frænkur mína og frændur, virkilega gaman.
• Vil þakka öllum fyrir frábærar móttökur, verður lengi í minni haft.
• Hafsteinn Lúðvíksson er toppmaður, menn kalla hann "Borat" fyrir norðar.
• Hjalti Már Hauksson er toppmaður.
• Heiðmar Guðmundsson er toppmaður.
• Steini Randver - "Bachelorinn" er toppmaður.
• Beggi dyravörður er toppmaður.
• Jón Heiðar Sigurðsson er toppmaður.
• Jackass eru fullkomlega brenglaðir.
• Ásgeir Kolbeins er toppmaður.
• Herbert Guðmundsson er toppmaður.
• Þessi færsla er að fara í tóma vitleysu, best að snúa sér að alvarlegri hlutum.
• FH-ingarnir mínir töpuðu báðum leikjum sínum um helgina, ekkert nema slæmt um það að segja.
• Menn verða fá það sem þeir eiga skilið.
• Enn held ég áfram að skora gríðarlega flott í skólanum, þetta MUN halda áfram og þessi önn kláruð með stæl.
• Karakter kemur í ljós við mótlæti.
• Maður hættir ekki að leggja sig fram fyrr en maður GETUR EKKI meira.
• Þegar vel gengur, leggur maður enn meira á sig, því maður getur alltaf bætt sig.
• Held að þetta sé komið nóg í bili.

Takk í bili.

KrissiCoach.

Jæja.

Þá er leikhelgin mikla afstaðin. 4.flokkurinn minn spilaði tvo leiki á sunnudaginn. A-liðið spilaði gegn Haukum og B-liðið gegn ÍR. Við unnum báða þessa leiki og ætla ég að koma með smá leikgreiningu um þá báða.

Eins og áður sagði spilaði A-liðið mitt gegn A-liði Hauka. Mikil eftirvænting var búinn að vera eftir þessum leik enda sá fyrsti á Íslandsmótinu hjá okkur. Höfðum undirbúið okkur vel, farið yfir sóknar- og varnartaktík í vikunni fyrir leikinn. Við lögðum upp með að spila framliggjandi 5+1 vörn og leyfa bakvörðum okkar að sækja frekar utarlega og láta svo einn leikmann spila sem i"indjána" á miðjunni. Eftir erfiða byrjun, þar sem við lentum 2-3 mörkum undir snéru drengirnir leiknum sér í hag með mikilli baráttu og karakter. Eins og ég hef áður fjallað um er karakterinn það sem öllu málu skiptir þegar komið er í leiki. Handboltaleg geta hefur auðvitað mikið að segja, en þegar öllu er á botnin hvolft, þá snýst þetta um baráttu og vilja. Það skein í gegn hjá hverjum einasta leikmanni hvað við ætluðum okkur og löggðu þeir á sig í samræmi við það. Við dómineruðum leikinn frá miðjum fyrri hálfleik og uppskárum að lokum sanngjarnan 7 marka sigur. Hef sagt það við strákana að við förum eins langt í þessu móti og þeir nenna. Við höfum í sameiningu sett okkur markmið fyrir veturinn sem mun útkasta mikilli vinnu hjá hverjum einasta manni. Við höfum nægjanlega gott lið til að fara alla leið, og um leið og strákarnir fara trúa á eigin getu þá stoppar okkur ekkert.

B-liðið spilaði gegn arfaslöku B-liði ÍR. Því miður komu mínir menn með hangandi haus til leiks og spiluðu arfaslakann leik, leik sem var spilaður af okkur i samræmi við getu andstæðinganna. Við höfðum yfirhöndina allan leikinn og unnum að lokum 3 marka sigur. Við gerðum okkur verkefnið allt of erfitt því leikurinn hefði átt að klárast snemma í fyrri hálfleik. Vonnadi að menn mæti ekki með jafn hangandi haus í næsta leik sem verður gegn Selfossi á útivelli.

Mikil tilhlökkun er fyrir komu minni til Akureyrar á fimmtudaginn. Því miður þýðir þetta að ég missi af leikjum 4.flokks um helgina, en þá spilar A-liðið við Fram á útivelli og B-liðið við Selfoss á útivelli eins og áður sagði.
Ég kem semsagt norður á fimmtudag og verð fram á sunnudag. Hlakka gríðarlega til að koma, enda hef ég ekkert farið norður eftir að ég flutti suður, sem var um miðjann ágúst. Hlakka til að hitta ömmu, Helga bróðir og fjölskyldu hans, Geira og Stebo og alla hina vitleysinganna. Því miður verða mamma og pabbi og Rósa systir og fjölskylda hennar ekki í bænum en ég mun þó hitta þau fljótlega.

Sjáumst um helgina.

Takk í bili.

KrissiCoach

Andlegur undirbúningur minn er formlega hafinn, hófst reyndar fyrir nokkrum dögum en er að ná hápúnkti núna. Málið er það að á morgun erum við í 4.flokki FH að byrja að spila á Íslandsmótinu. A-liðið mun mæta litla liðinu í Hafnafirði (Haukum) og B-liðið mun mæta ÍR. Gríðarlega mikilvægt er að byrja mótið vel og vonandi að leikmenn mínir séu andlega klárir, snýst um það svona rétt fyrir leik. Handboltalega getu þarf ekki að setja í vafa hjá drengjunum, enda hefur árangurinn verið frábær hjá þeim síðustu ár. Ég mun fjalla um þessa leiki eftir helgi.

Nú er loksins komin smá rólegheit í skólanum, búið að vera vangefið mikið að gera síðustu vikur. Við Lýður vorum að klára verkefni í kennslufræði í dag og er það hið besta mál. Var að horfa á United rústa Bolton liði "Big Sam". Verður þokkalega legið upp í sófa með tærna upp í loft það sem eftir lifir dags. Svo mun maður skipta á milli Spánar og Ítalíu í kvöld, flottir leikir þar á ferð.

Hef ekki meira að segja í bili. Hlakka gríðarlega mikið til að koma norður um næstu helgi, vona að menn séu klárir. Þegar GS og SÁ koma saman, þá verður útkoman góð. Ég treysti því og trúi.

Hafnafjarðarkveðjur.

Takk í bili.

KrissiCoach - uppfullur af tilhlökkun !

Færsla dagsins fjallar um að taka ábyrgð. Ég sagði frá því síðast að þessi færsla kæmi eftir helgi. Það er rugl mikið að gera í skólanu og því get ég ekki sinnt síðunni sem skildi en ég vona að því sé sýndur skilningur.

Þegar maður veltir fyrir sér hugtakinu "að taka ábyrgð" fara ýmsar pælingar af stað. Margir halda því fram að hugtakið snúist einfaldlega um það að taka ábyrgð á því sem maður gerir. Þetta er alrangt. Þegar maður tekur ábyrgð, þá tekur maður hlutina í sína hendur, og skuldbindir þ.a.l sig sjálfann í að gera viðkomandi hlut af festu og eins vel og maður getur. Það er nefnilega þannig að margir einstaklingar í nútíma samfélagi eru "fylgjendur". Fylgjendur eru þeir einstaklingar sem fylgja frumkvæði annara, taka aldrei ábyrgð á neinu sem þeir gera eða segja, og það sem verst er, þeir eru einstaklingarnir sem kenna öðrum um sínar eigin ófarir. Um daginn fjallaði ég um "leiðtoga". Þeir eru besta dæmi okkar um einstaklinga sem taka ábyrgð. Leiðtogar eru andstæður fylgjenda, þeir taka ábyrgð á því sem þeir gera og segja, njóta þess að leiða fólk áfram í átt að velgengni, og eru tilbúnir að viðurkenna ef þeir gera eitthvað rangt. Ég hef alltaf haldið því fram að þeir sem eru tilbúnir að taka hlutina í sínar hendur, taka ábyrgð á gerðum sínum, viðurkenna mistök sín og eru tilbúnir að "fronta" það sem mistókst eru besta dæmi um leiðtoga. Það er fátt jafn ömurlegt og að hlusta á fólk kenna öllu nema sjálfu sér um ófarir sínar, þegar fólkið sjálft gerði ekki neitt til að snúa hlutunum sér í hag. Þegar illa gengur, erfiðleikar í hinum ýmsu hlutum, og við erum ekki nægilega vel upplögð einhverra hluta vegna, þá þýðir nefnilega ekkert að leggjast á gólfið og grenja yfir því hversu allt sé erfitt. Ef maður telur sjálfan sig vera leiðtoga, þá rís maður upp, þenur kassan út, og getur stolltur sagt að þessir erfiðleikar séu áskorun á mann sjálfann, áskorun sem maður ÆTLAR sér að sigrast á. Ég hef alltaf litið á þau vandamál sem ég fæ upp í hendurnar sem áskorun, sérstaklega þegar kemur að íþróttum. Ég er handboltaþjálfari og hvað er mikilvægast fyrir mig að kenna unglingum í greininni ? (fyrir utan alla handboltalega þjálfun, nú er ég að tala um andlega þáttinn). Það er að kenna þeim að sigrast á mótlætinu, taka öllu mótlæti sem áskorun á þá sjálfa. Þarna hafa þeir tækifæri til að sanna sig, fyrir mér sem þjálfara þeirra, foreldrum þeirra sem eru að horfa á, andstæðingunum og fyrst og fremst, þá kenna þeir sjálfum sér að VILJA sigrast á mótlætinum.

"Taktu ábyrgð á gerðum þínum, snúðu vandmálum þér í hag og líttu á öll vandamál sem áskorun á hvernig karakter þú ert, því þá fyrst kemur í ljós úr hverju þú ert gerður" - KrissiCoach.

Takk í bili.

KrissiCoach.

Færslan skiptist í slæmar fréttir og góðar fréttir.

Slæmu fréttirnar eru þessar:
Það er ekki hægt annað en lýsa yfir vonbrigðum. Það kom í ljós í gær að HSÍ er búið að fresta leikjum 3.flokks fyrir norðan um næstu helgi sem þýðir að ég er ekki að koma með FH-ingana norður. Ég er gríðarlega vonsvikinn með þetta enda var ég farinn að hlakka all-hressilega til og byrjaður að undirbúa mig andlega fyrir þetta verkefni. Held reyndar að leikmenn 3.flokks KA séu guðslifandi fegnir að ekkert verður af þessum leikjum, enda ÆTLAÐI ég mér að sækja tvö stig á gamla heimavöllinn. Það er nú einu sinni þannig að til ná fram markmiðum sínum, þá verður maður að ætla sér hlutina og sætta sig ekki við neitt annað sigur, enda snýst þetta sport um það. Hefði verið virkilega áhugavert að koma í KA-heimilið og keppa á móti KA. Hef nú þegar spilað einn leik á móti mínu gamla félagi sem endaði með tíu marka sigri, og ætlaði mér að gera það aftur. En svona er þetta, maður fær ekki allt sem maður vill. Þetta kemur sér reyndar ákaflega vel fyrir mig hvað skólann varðar, ekkert eðlilega mikið að gera þar. Lýður félagi minn sem er að vinna þessi verkefni með mér var líka mjög sáttur, enda náum við að klára flest okkar verkefni í staðin á eðlilegann hátt. Ég sá fram á lærdóm alla þessa helgi fyrir norðan, sem var ekki það sem ég ætlaði mér. Ætlaði að koma norður og slappa af, vinna þessa tvo leiki í 3.flokk og hitta vini og ættingja. Ég flutti suður 14.ágúst og hef ekki komið til Akureyrar síðan. Frekar skrítið og ég verð að viðurkenna að mig er farið að langa mjög mikið að koma "heim".

Góðu fréttirnar eru þessar :
Ég mun koma norður á afmælinu mínu, þ.e.a.s. 2-5 nóvember. Ég á afmæli 3.nóvember sem er föstudagur, en ég kem norður á fimmtudeginum 2.nóvember. Ég verð fram á sunnudag 5.nóvember og það verður virkilega gaman. Stefnan er að gera eitthvað skemmtilegt á afmælinu mínu og vonandi að hitta félaga mína fyrir norðan. Þannig að ég set þetta aftur upp í hendurnar á Stebo og Geira að skipuleggja eitthvað , enda hafa þeir nægann tíma. Nú verða menn að sýna ábyrgð í verki og stíga upp, enda ekki lítil ástæða núna !

p.s. eftir helgi mun ég koma með blogg um "að taka ábyrgð" þannig að ég bið ykkur að fylgjast vel með !

Takk í bili.

KrissiCoach

Það er alveg óhætt að segja að það nóg að gera þessa dagana. Við Lýður erum að vinna saman þrjú verkefni. Erum að gera fjölmiðlaverkefni í áfanganum "Heimur íþrótta", spurningaverkefni í "Hagnýt kennslufræði", og erum að vinna spurningalistakönnun í "Rannsóknir og vinnubrögð". Svo er líka á næstunni próf í "Líffærafræði" og æfingakennsla í verklegum handbolta. Brjálað að gera, en það er nákvæmlega það sem ég vil. Ég valdi mér að fara þessa leið, fara í háskóla og takast á við það erfiða og krefjandi verkefni, nú er að standa sig og skora hátt. Enda hefur þetta gengið mjög vel það sem af er. Hef verið að fá fínar einkunnir, þannig að ég get bara verið sáttur. Það er orðið daglegt brauð að vera upp í háskóla til 23:00 - 02:00 á nóttunni. Þetta er samt hrikalega gaman, algjör forréttindi að fá að stunda nám við eitthvað sem maður hefur áhuga á. Ég held að það þurfi ekki að efast um þann áhuga sem ég hef á íþróttum.

Um aðra helgi, eða öllu heldur fimmtudaginn 26.október þá komum við Eyrún norður og verðum fram á sunnudag. Ég er bæði að koma norður til að hitta vini og fjölskyldu, og svo að spila með 3.flokk FH á móti KA og Þór. Það verður mjög áhugavert. Vonandi að fólk sjái sér fært að mæta, verða hörkuleikir.
Eins gott að menn verði búnir að plana móttöku handa kallinum. Treysti því og trúi að Geir Sigurðsson og Stefán Árnason verði klárir með eitthvað plan á fimmtudagskvöldið eftir kvöldmat. Það er einfaldlega krafa að þeir tali sig saman og verði með eitthvað skemmtilegt planað.

Takk í bili.

KrissiCoach

Þá er þessi helgi brátt að enda. Það var enginn skóli á föstudaginn og kom það sér ákaflega vel. Akademían fór á föstudaginn í sína fyrstu "vísindaferð". Fórum í KB-banka í Keflavík. Þar var okkur boðið uppá Subway og "mjólk" að drekka með. Þegar henni var lokið var haldið til Sóleyjar (á Breiðafirði - BamBam) í partý og rúta kom svo og sótti okkur þangað og keyrði okkur á Októberfest hjá Háskóla Íslands. Það var mjög gaman, verst bara hvað það mættu fáir, ekki nema 3000 manns. Á hverju ári er sett upp risastórt tjald á lóð háskólans og þangað safnast liðið saman. Við fórum svo snemma heim enda lærdómur daginn eftir, svona eins og aðra daga.
Þetta var svona blogg um daginn og veginn, enda margir beðið um það. Ég er á leiðinni upp á Ásvelli að horfa á Haukar-Akureyri, vonandi að norðanmenn taki þetta og vinni litla liðið í Hafnafirði !

Hér ætla ég að skrifa um hrós og gildi þess. Árni Stefánsson kom með þá ósk eftir síðustu færslu og þegar maður eins og hann kemur með ósk, þá gerir maður allt í sínu valdi til að uppfylla hana.
Hrós er gríðarlega mikilvægur þáttur í venjulegum samskiptum við fólk. Allt sem við gerum, daglegt líf, skóli, vinna, íþróttir eða hvað sem er, þá á maður aldrei að spara hrósið. Ég sem handboltaþjálfari legg gríðarlega mikið upp úr jákvæðum anda, jákvæðu andrúmslofti og jákvæðu viðmóti leikmanna til mín. En hver er rót allra þessara þátta? Að mínu mati, þá skapar maður jákvætt andrúmsloft í hóp með nokkrum þáttum og er hrós einn sá stærsti. Ef maður sér framför, ef leikmaður mætir vel á æfingar, leggur sig fram, gefur af sér jákvætt viðmót, er almennt jákvæður í garð hópsins, þá á maður að hrósa viðkomandi. En svo kemur á móti vandamál sem allir verða að passa sig á. Ef maður hrósar of mikið, notar hrósið sem leið úr vandamálum þá hætta menn að taka mark á því. Það getur verið í formi farsa, sem er ekki jákvætt. Ef maður sýnir hrós við allt gott sem kemur fram, missa menn trúverðuleika þess. En hrós getur komið fram á svo margann hátt. Ég segi, "notaðu hrós sem eflingu á sjálfstrausti ef viðkomandi einstaklingur hefur áunnið sér ástæðu til að vera hrósað". Þetta hljómar flókið, en þið skiljið þetta ef þið lesið setninguna nokkrum sinnum.
Þegar ég var sjálfur að stunda íþróttir, þá þótti mér ekkert jafn þægilegt og að fá hrós frá þjálfaranum. Það hrós kom yfirleitt fram í tengslum við góða æfingasókn, framlegð á æfingum og jákvætt viðhorf. En hann hrósaði mér ekki ef oft, sem þýddi að það var jafn sætt í hvert skipti. Mín skoðun er sú að við eigum ekki að spara hrósið ef það á við. Hrósaðu þeim sem á það skilið, því maður fær svo mikla virðingu frá viðkomandi í staðinn. 

Takk í bili.

KrissiCoach 

Enn og aftur er þakklæti mér efst í huga. Frábært að fá svona viðbrögð við síðunni. Margir hafa spurt mig síðustu daga, af hverju ertu að þessu Krissi, þú ert ekki alveg beint þessi týpa. Maður hefði frekar búist við einhverju rugli hér, þú að bulla og svona. Svar mitt við þessu er þetta: Mér finnst einfaldlega til nóg af þeim síðum, ég er uppfullur af hugmyndum um lífið og tilveruna, hvernig megi bæta sjálfstraust sitt og bæta almenna andlega líðan. Þetta eru hlutir sem ég velti mikið fyrir mér og finnst nauðsynlegt að koma frá mér. Eins og þeir vita sem þekkja mig, þá er ég mikil félagsvera og yfirleitt ekki talinn feiminn. Þess vegna sé ég ekki ástæðu til að þegja yfir þessum hlutum, þeir eru of mikilvægir að mínu mati.

Færsla dagsins fjallar um virðingu. Virðing er það hugtak sem allir eiga að hafa í huga, alltaf. Hugtakið þýðir í raun að koma fram við alla á sama hátt, óháð kynþætti eða uppruna. Maður kemur fram við fólk með kurteisi, sanngirni, og virðir mismunandi skoðanir og sýn á hlutina. Þetta snýst um koma fram við aðra eins og við viljum að aðrir komi fram við okkur. Virðing er okkar verkfæri í átt að vináttu. Við getum ekki ætlast til þess að aðrir virði okkur, hlusti á okkur og taki við okkur sem góðri manneskju, ef við gerum það ekki sjálf. Þetta byrjar allt hjá manni sjálfum. Hvernig kem ég fram við aðra, er ég kurteis, sanngjarn og fyrst og fremst, virði ég viðkomandi einstakling fyrir það hver hann er, hvað hann gerir, hvað hann segir og hvernig hann lítur út. Ef við gerum það, þá erum við að bera mikla virðingu fyrir honum, og virðing tengist öllu sem við gerum. Allt sem við eigum, allt sem við fáum lánað, og öllu sem okkur er treyst fyrir, verðum við að sýna virðingu. Auðvitað er fullt af leiðinlegu fólki í kringum okkur, en við verðum að sýna því þá virðingu að vera ekki leiðinleg við það, ekki ókurteis, og fyrst og fremst, ekki gera lítið úr því. Málið er það gott fólk að maður verður aldrei svo stór sjálfur að maður þurfi að gera lítið úr öðrum. Með því að gera lítið úr öðrum, þá erum við að sýna okkar réttu manneskju. Við teljum okkur vera svo stór að aðrir séu minni en við, vegna þess að þeir séu örðuvísi á einhvern hátt. Með því að gera lítið úr öðrum, þá erum við að gera lítið úr okkur sjálfum.

Takk í bili.

KrissiCoach